Naslovna » Domacinstvo » Dom
gooteach
Prijava
Korisnik (username):
Lozinka (password):
Zapamti me na ovom racunaru

  
Registracija
Korisnik (username):
Lozinka (password):
E-mail:
Komentari :
2

Soda bikarbona i njena primjena u domaćinstvu

Fini, bijeli prašak poznatiji kao soda bikarbona, ne služi samo za spremanje ukusnih peciva, nego ima još niz korisnih primjena, recimo u tretmanima za njegu i ljepotu, pa može da vam pomogne u održavanju domaćinstva, kao i da vam olakša neke neprijatne situacije.

Evo za šta može da se koristi soda bikarbona:

  1. Čista kosa. Soda bikarbona može da vam pomogne da odstranite nataložene ostatke od raznih preparata za kosu, kao što su regenerator, pjena ili gel. Jednostavno, dodajte jednu kašičicu sode bikarbone u flašu od šampona. Ukoliko ste se kupali u bazenu, poželjno je da poslije toga isperete kosu sa rastvorom od sode bikarbone i to tako što ćete pomiješati pola kašičice sode sa pola litra vode i izliti na kosu, da biste odstranili hlor i da biste vratili volumen kosi.
  2. Čisti češljeve i četke za kosu. Kako na vašoj kosi, tako se i na češljevima i četkama talože ostaci preparata za kosu. Lak za kosu ili prirodnu masnoću kože glave lako možete da odstranite sa četke ako je potopite u rastvor tople vode i dvije kašičice sode bikarbone.
  3. Ruke bez jakih mirisa. Pomješajte 3 kašičice sode bikarbone sa jednom kašičicom tečnog sapuna i istrljajte ruke, kako biste odstranili miris ribe, crnog ili bijelog luka.
  4. Mekša koža na laktovima i koljenima. Koža na laktovima i koljenima često zna da otkaže poslušnost i da dobije onaj grub i krut izgled. Napravite pastu od malo sode bikarbone i vode i sa njom istrljajte ove dijelove tijela. Odmah ćete primjetiti razliku.
  5. Čisti i izbjeljuje nokte. Stavite malo sode na neku staru četkicu za zube i s njom isčetkajte nokte na rukama i nogama. Tako ćete, em omekšati zanoktice, em ćete da očistite i izbjelite nokte, koji često znaju da požute od korišćenja lakova za nokte jakih boja, ali i od nikotina kod pušača.
  6. Izbjeljuje zube. Na četkicu, zajedno sa pastom za zube stavite malo sode bikarbone i operite zube. Soda bikarbona je prirodni izbjeljivač zuba.
  7. Opušta stopala. Poslije napornog dana odmorite svoja umorna stopala sa rastvorom tople vode i 3 kašičice sode bikarbone.
  8. Osvježava dah. Iako smo o ovome već pisali, nije na odmet ponoviti gradivo. U čašu vode rastvorite jednu kašičicu sode bikarbone. Promućkajte jedan gutljaj u ustima, a potom ispljunite rastvor. Neugoni mirisi u ustima će biti neutralizovani.
  9. Odstranjuje miris cigareta sa odjeće. Ako se nadjete u društvu pušača ili ako ste i sami pušač, a mrzite miris dima na odjeći, sodom bikarbonom ćete da ga odstranite. Prije nego što operete odjeću, nakiselite je u u vodu sa nekoliko kašika sode bikarbone.
  10. Otklanja miris od bebinog bljuckanja i slinice . Znamo svi da je  teško otkloniti miris od bljuckanja i slinice sa dječije odjeće. Ali, sa sodom bikarbonom to je moguće. Nanesite sodu bikarbonu na oredjeno mjesto i istrljajte.
  11. Uklanja neugodne mirise u kanti za smeće. Prije nego što stavite novu kesu u kantu za smeće, pospite dno sa malo sode bikarbone, da neutrališe neugodne mirise.
  12. Uklanja mirise iz frižidera. U frižider stavite malu otvorenu kutiju sa sodom bikarbonom i to će da apsorbuje mirise. Mijenjajte sodu bikarbonu svaka 3 mjeseca ili čak i prije ako apsorbuje mnogo mirisa. Ukoliko imate veći problem sa mirisima u frižideru, očistite ga sa vodom i sodom bikarbonom.
  13. Čišćenje mikrotalasne pećnice. Izribajte mikrotalasnu pećnicu sundjerom na koji ste nanijeli sodu bikarbonu.
  14. Čišćenje i osvježavanje daske za sječenje. Da biste očistili i otklonili mirise sa daske za sječenje hrane, opet nanesite sodu na sundjer i trljajte. nakon toga dasku operite deterdžentom.
  15. Odstranjuje mirise iz plastičnih kutija za čuvanje hrane. Ove plastične kutije lako se “usmrde”. Da biste eliminisali taj neugodni miris, napunite kutiju rastvorom koji ćete da napravite od vode i sode bikarbone i ostavite je tako preko noći. Ujutru samo isperite.
  16. Čišćenje zagorjelih šerpi i tiganja. Mala greška u kuhinji i eto vas sa zagorjelom šerpom ili tiganjem. Ali u pomoć vam ponovo stiže soda bikarbona. Sipajte u šerpu sodu bikarbonu, a onda nalijte vruću vodu. Ostavite tako nakiseljeno bar nekoliko sati, a onda prije nego što počnete da čistite stavite na šporet da voda proključa.
  17. Čišćenje roštilja. Masnoću sa rešetke roštilja oribajte sundjerom na koji ste stavili sode bikarbone.
  18. Čišćenje tvroglavog ljepila od etiketica. Ponekad nam na nekim novim predmetima ostane ljepilo od naljepnice koje neće nikako da se makne. U tom slučaju, šta? Pa, soda bikarbona, naravno. Opet malo sode bikarbone na sundjer i trljajte dok je ne uklonite.
  19. Blistavo srebro. Pomješajte sou bikarbonu i vodu u omjeru 3:1 (3 kašičice sode bikarbone i jedna vode) i sa tom smjesom istrljajte srebrninu. Na kraju samo isperite vodom.
  20. Osvježava tepihe. Ukoliko vaš tepih na odredjenom mjestu iz ko zna kojih razloga, miriše neprijatno, pospite to mjesto sodom bikarbonom. Ostavite 2-3 sata, pa pokupite sodu bikarbonu usisivačem.
Tagovi :
  • Facebook komentari
  • Ostali komentari
Registrujte se da biste dodali kometar.
IRENA
03. Novembar 2011. u 10:01:50
Izbrisi ovaj komentar
jos je super da se s njom opere i masina za pranje sudja. Neki preparti su skupi, oko 4 evra su, kesica sode bikarbone jednako je dobro pere. Prospite kesicu sode bikarbone u praznu masinu i ukljucite pranje...vidjecete kako ce blistati.
dusica micic
05. Oktobar 2011. u 10:14:17
Izbrisi ovaj komentar
super savjeti :**
Izdvajamo iz galerija

Content on this page requires a newer version of Adobe Flash Player.

Get Adobe Flash player

Savjet
DANA
Recept
DANA
Pretraga
  
Kalkulatori
BMI Body Mass Index kalkulator
BMR Basal Metabolic Rate kalkulator
Kalkulator plodnih dana
Anketa
Koja vam je najdraža rubrika na našem portalu?
O NAMA
Portal namijenjen ženama i svima koji žele da saznaju više o ženama. Mi smo tu, ne samo za modernu i savremenu ženu, nego i za one koje se ne osjećaju tako. Tu smo za majke, domaćice, poslovne žene, mlade i one u najboljim godinama. Svakodnevno spremamo za svakoga po nešto. Hvala vam što nas pratite ;)
PRATITE NAS NA
OSTALI SADRŽAJI
KONTAKT
© 2011 zenasamja.me. Sva prava zadržana.