Podstaknite razvoj kognitivnih, motoričkih i socijalnih vještina djece

Podstaknite razvoj kognitivnih, motoričkih i socijalnih vještina djece

Tapšalice su ritmičke igre koje su, nažalost, pomalo zaboravljene. Djeci su veoma zabavne, a u isto vrijeme podstiču razvoj njihovih kognitivnih, socijalnih i motoričkih vještina. Ove zabavne igre obično uključuju ritmičke pokrete rukama uz pjevušenje određene melodije koja i ne mora imati smisao. Rukama se izvode razni pokreti poput tapšanja, pucketanja prstima, tapšanja o druge djelove tijela, a uz sve to nekada se uključuju okreti, skokovi ili čučnjevi. Po pravilu, tapšalice su na početku sporog ritma koji se sa svakim ponavljanjem ubrzava. Najčešća starosna dob djece koja mogu igrati tapšalice je od 6 do 10 godina, ali nerijetko se i oni mlađi uključuju pokušavajući da «uhvate ritam». U svakom slučaju, preporučujemo da probate. Zabava je zagarantovana.

Na YouTube-u smo pronašli nekoliko tapšalica i ritmičkih igara za koje smo ubijeđeni da će se dopasti vašoj dječici, ali i vama. Nemojte se začuditi ako nakon igre uhvatite sebe da pjevušite melodije koje prate ove igre. Priznajemo, zarazno je. :)

Tapšalica BIM, BAM

 

Ova tapšalica je odlična igra za podsticanje razvoja kognitivnih, motoričkih i socijalnih vještina kod djece. Možda će vam se u početku činiti teška, posebno ako je vaše dijete manjeg uzrasta. Pustite djetetu video klip nekoliko puta i zajedno pratite melodiju. Osnovna melodija se sastoji iz tri riječi BIM, BAM i BIDI. Ove riječi se ponavljaju i kombinuju. Svaka od ovih riječi je, u stvari, komanda za određeni pokret:
BIM – pljesni rukama
BAM – pucketaj prstićima
BIDI – potapšaj se po nogicama

Melodija ove tapšalice se sastoji iz dvije cjeline i kada ih naučite vrlo lako ćete uhvatiti i ritam pokreta.

Tapšalica «Sedam»

 

U ovoj tapšalici nema melodije već se sastoji od ritmičkog ponavljanja pokreta rukama koji uključuju tapšanje po stolu, pljeskanje rukicama, pucketanje prstićima i ukrštanje rukica.

 Ritmička igra «Ples čašama»

Evo još jednog sjajnog primjera igre za razvoj kognitivnih, motoričkih i socijalnih vještina kod djece. Ova igra je veoma zabavna, posebno iz razloga što je može igrati jedno dijete, ali i čitava grupa.

 

Evo i video klipa sa uputstvima «korak po korak»

 

Kao i sa svim ritmičkim igrama, vježba dovodi do savršenstva. :)
Uživajte!

Video klipovi (osim klipa na engleskom) su rađeni za potrebe seminara Multimedijalna muzička radionica

Tagovi :

O NAMA

Portal namijenjen ženama i svima koji žele da saznaju više o ženama. Mi smo tu, ne samo za modernu i savremenu ženu, nego i za one koje se ne osjećaju tako. Tu smo za majke, domaćice, poslovne žene, mlade i one u najboljim godinama. Svakodnevno spremamo za svakoga po nešto. Hvala vam što nas pratite ;)

PRATITE NAS NA

© 2011 zenasamja.me. Sva prava zadržana.