Pravilno brijanje nogu

Pravilno brijanje nogu

Iako danas postoje različiti naičini za uklanjanje neželjenih dlaka, i dalje je najrasprostranjenije brijanje, najbrži i najjednostavniji metod za dobijanje glatke kože. Žene više vole brijanje, jer je to najbezbolniji način da se riješe malja.

Brijanje nogu nije nešto što je komplikovano, ali sljedeći savjeti će vam pomoći da izvučete maksimalan efekat i izbjegnete neprijatne posjekotine i iritacije kože.


  • Brijte se tokom ili odmah poslije tuširanja. Topla voda otvara pore i omekšava dlake. Zato je idealno vrijeme za brijanje odmah poslije tuširanja ili za vrijeme tuširanja, odnosno 5-10 minuta od početka tuširanja. Brijanje treba da bude posljednje što ćete obaviti pod tušem. U prošlosti, često su se u berbernici mogli vidjeti ljudi sa peškirima preko lica. Pa, ukradite ideju, tj. ako ne planirate da se tuširate, noge zamotajte u peškir natopljen tolpom vodom.  
  • Uradite piling nogu. Plining kože prije brijanja je vrlo bitan, zato što ćete tako odstraniti mrtvi sloj kože da biste dlake brijali što bliže koži. Ako ne uradite piling, mrtva koža, ne samo da će spriječiti precizno brijanje, nego će vam vrlo brzo otupjeti brijač. Osim toga, piling će povući i neke od uraslih dlačica.
  • Uvijek koristite pjenu ili gel za brijanje. Proizvodi za brijanje omogućavaju brijaču da klizi glatko i lako, smanjuju rizik od posjekotina i iritacija kože, a pored toga i hidriraju kožu. Mnogi eksperti za bolje rezultate preporučuju ženama da koriste četku za nanošenje pjene za brijanje. Kada nanesete pjenu ili gel, ostavite da nekoliko minuta da dlaka omekša, prije nego započnete brijanje.   
  • Ako nemate pjenu ili gel, iskoristite regenerator za kosu. On je odlična zamjena za pjenu. Nanesite ga na noge i ostavite barem 5 minuta, da omekša dlake.
  • Prije nego što počnete da brijete noge, pazite da vam koža nije naježena. Naježena koža je najčešći uzročnik pojave crvenila i malih posjekotina. Kada je koža naježena, dlake se dižu, pa tako možete da zakačite mali dio kože. Da biste ovo izbjegli, tuširajte se toplom vodom, a ako se naježite, sačekajte da prodje.
  • Noge brijte u suprotnom smjeru od rasta dlake. Da biste dobili super glatku kožu, brijač vucite od zgloba prema koljenu. Medjutim, ako imate osjetljivu kožu, pridržavajte se pravila koje kaže da se brijete u istom pravcu u kojem dlake rastu.
  • Vucite brijač lagano, bez pritiskanja. Ako vidite da morate da pritiskate brijač, znači da isti nije dovoljno oštar.
  • Ne prelazite dva puta preko istog mjesta. Brijač mora biti toliko oštar tako da jednim potezom otklonite sve ili bar većinu dlaka. Ako se poneka dlaka uspije spasiti, poslije to sredite pincetom, ne “stružite” brijačem. Tako ćete da izbjegnete crvenilo.
  • Često ispirajte brijač. Upravo to i zaboravljamo često. Poslije svakog poteza od gležnja do koljena, operite brijač d odstranite dlake. Ukoliko to ne radite često, nagomilane dlake i mrtva koža em neće dozvoliti precizno brijanje, em može da vam iritira kožu.
  • Budite spori i strpljivi. Mi žene smo uvijek u nekoj žurbi, ali bolje je i da kasnite dvije minute, nego da po nogama imate posjekotine i crvene linije
  • Posebnu pažnju obratite na zglobove i koljena. Zbog njihovog oblika, ovi dijelovi nogu najlakše mogu stradati od žileta. Kada brijete koljeno, obavezno savijte noge, jer će tako koža biti zategnutija.
  • Poslije brijanja, ne koristite sundjer ili mrežu za tuširanje. Koža se odlično pilinguje brijanjem i ne samo da nema potrebe za sundjerom ili mrežom, nego tako možete i bespotrebno da nadražite kožu.
  • Operite se toplom, pa hladnom vodom. Topla voda će odstraniti pjenu ili gel, a onda će hladna voda osvježiti kožu i zatvoriti pore.
  • Osušite kožu i namažite sa bebi uljem. Ako imate vremena, najbolje bi bilo da pustite da se koža sama osuši. U suprotnom, koristite peškir, ali ne trljajte kožu. Bebi ulje je najbezbjedniji izbor za njegu kože poslije brijanja. Losioni i mlijeka za tijelo su parfimisani i mogu da nadraže kožu. Bebi ulje će je omekšati i dati nježan i mekan izgled.

Dodatni savjeti:

  • Nemojte da se brijete ujutru odmah poslije budjenja. sigurno ste primjetili da je odmah ujutru koža otečena, pa tako ne možete da se izbrijete blizu korijena. Ili se brijte uveče ili sačekajte bar pola sata pošto ustanete iz kreveta.
  • Redovno mijenjajte brijače ili žilete. Nedovoljno oštar brijač može da iritira kožu i da uzrokuje neprijatno crvenilo, a ako tokom brijanja pritiskate brijač, jer je tup, i posjekotine. 
  • Ako je dlaka duga, prvo je skratite makazicama. Tako će brijač lakše da klizi uz nogu.
Tagovi :

O NAMA

Portal namijenjen ženama i svima koji žele da saznaju više o ženama. Mi smo tu, ne samo za modernu i savremenu ženu, nego i za one koje se ne osjećaju tako. Tu smo za majke, domaćice, poslovne žene, mlade i one u najboljim godinama. Svakodnevno spremamo za svakoga po nešto. Hvala vam što nas pratite ;)

PRATITE NAS NA

© 2011 zenasamja.me. Sva prava zadržana.