Kada nam je vruće, počinjemo da se znojimo, nekad više, nekad manje. Oni koji imaju problem sa prekomjernim znojenjem, rješenje pronalaze u tamnoj odjeći na kojoj se ne vide mokri tragovi. Međutim, ima i boljih načina.

Predstavljamo vam 5 domaćih ljekova sa proizvodima koji su dobri za vašu kožu, a pomoćiće vam u borbi protiv prekomjernog znojenja. 

Čaj od bazge ( crna zova)

Sastojci: 

• 6 svježih listova bazge

• 1 litar vode 

Priprema

1. Skuvajte 6 svježih listova bazge u jednom litru vode.

2. Natopite vatu ili pamučnu krpicu u čaj i nanosite nekoliko puta dnevno ispod pazuha ili na druga mjesta na kojima se prekomjerno znojite.

    

Soda bikarbona i limun 

Sastojci:

• 10 grama sode bikarbone 

• Sok od jednog limuna 

Priprema: 

1. Pomiješajte sodu bikarbonu i sok od limuna i napravite pastu. 

2. Nanesite ispod pazuha i sačekajte 15 minuta. Ponavljanje ovog tretmana će ublažiti neprijatan miris znoja.

     

Kukuruzni skrob 

Možete da koristite kukurzno brašno ili skrob da kožu održite suvu i bez neprijatnog mirisa.

Sastojci: 

• 10 grama kukuruznog skroba ili brašna

• 5 grama sode bikarbone

Priprema 

1. Pomiješajte kukuruzni skrob ili brašno sa sodom bikarbonom. Ovo možete da koristite kao dezodorans. Prirodni dezodorans koji upija znoj tokom dana.

Ovaj antiperspirant ima i poseban efekat: ne bi trebalo da ostavlja bijele tragove na odjeći.

Jabukovo sirće, majčina dušica i ruzmarin 

Mješavina sirćeta i ljekovitih biljaka umanjuje znojenje i neutrališe neprijatne mirise, kako ispod pazuha, tako i ostatka tijela. 

Sastojci: 

• 10 gr majčine dušice 

• 10 gr ruzmarina

• 125 ml jabukovog sirćeta

• 250 ml vode

Priprema:

1. Majčinu dušicu i ruzmarin ostavite da se krčkaju u vodi oko 10 minuta. 

2. Zatim dobro iscijedite i tečnost pomiješajte je sa sirćetom. 

3. Tečnost nanesite vatom ispod pazuha.

    

Čaj od žalfije

Sastojci žalfije mijenjaju hormone i tako regulišu protok znoja.

Sastojci:

• 50 gr žalfije

• 1 l vode

Priprema

1. Prokuvajte žalfiju u litar vode.

2. Ostavite da kuva oko 15 minuta. 

3. Pijte čaj po malo 1-2 puta dnevno i nanosite na mjesta na kojima se prekomjerno znojite.