Ravne sandale za ovo ljeto

Ravne sandale za ovo ljeto

Često veću pažnju posvećujemo cipelama s visokom petom,  ali sa dolaskom toplijeg vremena  mnogo više je prilika za nošenje otvorene obuće bez peta.Ljeto je savršeno  vrijeme da razmazite svoja stopala i date im malo predaha od vrtoglavo visokih potpetica, koje su, svakako, uvijek “in”. Osim toga, ove godine dizajneri su se potrudili i napravili  interesantne cipelice bez pete, svih vrsta boja i oblika – od sandalica i japanki do mokasinki.

Dobro je poznata činjenica da nam je tokom vrućih dana puno ugodnija udobna obuća, a kad je u pitanju komfor i praktičnost šta je bolji izbor, nego ravne cipele i sandale? Iako se možda čini da su ravne cipele dosadne i nisu seksi, modni dizajneri ove sezone još jednom su dokazali da  par lijepih  sandala mogu i te kako biti elegantne i šik, jednako kao i cipele na visoku petu. I što je najbolje s današnjim modernim dizajnom niske obuće, možete ih kombinovati uz sve odjevne kombinacije – od poslovnih preko svakodnevnih do svečanih.

Postoji mnogo različitih stilova niske obuće. Bilo da njegujete ležerniji stil i praktičnost ili pak tražite eleganciju – sandale mogu biti pametna investicija. Sandale jednostavnih, čistih linija naglašavaju neutralnost jednobojne odjeće , pa  mogu da se nose uz casual, svakodnevnu odjeću, ali odgovaraju i kao protuteža bogatim uzorcima, kao na primjer otkačenom hipi stilu.

Tagovi :

O NAMA

Portal namijenjen ženama i svima koji žele da saznaju više o ženama. Mi smo tu, ne samo za modernu i savremenu ženu, nego i za one koje se ne osjećaju tako. Tu smo za majke, domaćice, poslovne žene, mlade i one u najboljim godinama. Svakodnevno spremamo za svakoga po nešto. Hvala vam što nas pratite ;)

PRATITE NAS NA

© 2011 zenasamja.me. Sva prava zadržana.