Kako da vam meso uvijek bude meko i sočno

Iako se pečenje mesa čini lako – samo komad mesa stavite u rernu i pečete, zašto vam onda nekako uvijek ispadne tvrdo i suvo?

Kako da vam meso uvijek bude meko i sočno

U tom slučaju ovi jednostavni savjeti kuvarice Anabel Langbin dobro će vam doći pa će pečeno meso biti sočno i mekano.

Meso se sastoji od paralelnih mišićnih vlakana, poput manjeg komadića drveta, zato ako meso prerežete preko tih mišića, dobićete komade koji su znatno mekši zbog manjeg broja vlakana. Vrlo je važno da meso pre rezanja ostavite da jedno vrijeme odstoji. Naime, ako meso počnete da siječete odmah nakon pečenja svi prirodni sokovi će iscuriti, boja neće biti ujednačena, a meso će biti još uvijek u procesu pečenja tako da će meso biti na kraju tvrdo.

Ostavljanjem pečenog komada mesa da se malo ohladi nakon pečenja ključno je za ravnomjernu raspodjelu sokova kroz cijeli komad mesa, izjednačavanje boje, a na kraju meso postaje prilično mekše, a samim tim i ukusnije.

Kako bi pečeno meso bilo sočno i meko, nakon pečenja ga izvadite iz rerne i pokrijte papirom za pečenje i čistom kuhinjskom krpom pa ga ostavite da odmori oko pola sata. Provjerite u kom se smijeru protežu mišićna vlakna u mesu, a ako to ne možete odmah da uočite, meso malo zarežite na rubu.

Uz pomoć oštrog noža za rezanje mesa, meso zarežite pod pravim uglom vertikalno na mišićna vlakna. Režite tanke šnite mesa kako bi struktura bila što mekša. Osim toga, meso svakako režite tako da viljušku stavite ispred noža, a ne obrnuto.

 

t-portal.hr

O NAMA

Portal namijenjen ženama i svima koji žele da saznaju više o ženama. Mi smo tu, ne samo za modernu i savremenu ženu, nego i za one koje se ne osjećaju tako. Tu smo za majke, domaćice, poslovne žene, mlade i one u najboljim godinama. Svakodnevno spremamo za svakoga po nešto. Hvala vam što nas pratite ;)

PRATITE NAS NA

© 2011 zenasamja.me. Sva prava zadržana.