Neuobičajene praznične dekoracije sa sijalicama

Predstavljamo vam magiju šarenih sijalica na malo drugačiji način.

Neuobičajene praznične dekoracije sa sijalicama

Ako su vam dosadile jednolične i iste dekoracije koje postavljate u svom domu već nekoliko godina, evo kako možete da pokažete malo kreativnosti.

Kada je u pitanju dekoracija dvorišta ili terase, postoji mnogo ideja sa kojima možete da zamijenite standardno postavljanje sijalica na vrata i prozore.

Pokušajte da ih uklopite i postavite sa rastinjem i drvećem koje imate u dvorištu. Uzmite nekoliko bambusovih kugli različite veličine, umotajte ih u sijalice i postavite bilo gdje na terasi.

Viseće saksije, koje su vam na ovim niskim temperaturama vjerovatno prazne, isto tako zamotajte sijalicama i napunite  interesantnim ukrasima ili šišarkama.

 

Unutrašnja dekoracija sijalicama je interesantna koliko i vanjska.

Umjesto na jelku ili na zid iznad vrata, ove godine lampice postavite na zavjesu ili zalijepite na zid u nekom interesantnom obliku, kao što su, na primjer, jelka ili pahulje.

Omotajte sijalice oko slike, dekorativnih ukrasa u kući ili biljaka. Isto tako, možete da napravite unikatnu lampu ako šarene sijalice stavite u flašu ili neki stakleni sud.

Dobićete šareno, novogodišnje osvjetljenje u spavaćoj ili dnevnoj sobi. U stakleni sud isto tako možete da dodate staklene kugle od kojih se odbija svjetlost, za praznični, ali pomalo i romantični efekat.

 

O NAMA

Portal namijenjen ženama i svima koji žele da saznaju više o ženama. Mi smo tu, ne samo za modernu i savremenu ženu, nego i za one koje se ne osjećaju tako. Tu smo za majke, domaćice, poslovne žene, mlade i one u najboljim godinama. Svakodnevno spremamo za svakoga po nešto. Hvala vam što nas pratite ;)

PRATITE NAS NA

© 2011 zenasamja.me. Sva prava zadržana.